Di 12 morto den tráfiko na Korsou.

0
2271

WILLEMSTAD, Curacao — Djabièrnè anochi alrededor di 20.30’or, Sentral di Polis a risibí yamada di un aksidente ku a tuma lugá den Kaya Harmonia.

For di investigashon preliminar a sali na kla ku un vehíkulo a alkansá un peaton i despues sigui kore bai. E peaton, a sufri leshon na su pia robes i kap na su frenta.

Ku ambulans el a keda transportá pa poliklínika. Djis algun ratu despues a drenta otro yamada ku riba kaya Nathan, dos vehíkulo a dal praktikamente frontal den otro.

A konsekuensia di esaki, shofùr di e vehíkulo ku a kousa e aksidente a keda pega den su vehíkulo i ku yudansa di brantwer a sak’e for di su situashon penoso ku e tabata aden.

E víktima a fayesé na e sitio di aksidente mes i dòkter di polis a konstatá morto di e hòmber Pedro Emiliano Alfonso nase na Kòrsou dia 8 di ougùstùs 1963.

Esaki ta bira e di 12 morto den tráfiko pa aña 2016.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.