KOMUNIKADO DI KUERPO POLISIAL KÒRSOU 12 di yüni 2015

1914

kontròlnan general i preventivo.

WILLEMSTAD, Curacao — Djaweps 11 di yüni 2015, Tim di mantenshon di òrdu Públiko di diferente warda, a realisá vários kontròl preventivo entre 08.’or pa 11.20.or di anochi, den diferente bario riba nos isla. E.o.

  • strea preventivo-001Kirindongo Abou, Rondeklip,
  • Sapaté,
  • Montaña Abou
  • den área di Brievengat.

A kontrolá: 55 persona; 9 vehíkulo; 1 skuter; 1 motersaikel;

A konfiská: 18 saku di mariwana; sigaria di mariwana; 1 saku ku kokaina;

Detenshon: 4 hòmber pa violashon di e Lei di Opio; Otro infrakshon:

Diferente prosèsverbal pa kore sin e papelnan di vehíkulo bálido i unu pa glasnan skur; 2 vehíkulo a keda hiba kurá. E kontròlnan aki ta kontinuá.

###

Entrada hudisial.

potrèt kontròl 11 juni 2015WILLEMSTAD, Curacao — Djaweps 11 di yüni 2015 alrededor di 15.40’or, Tim di mantenshon di òrdu Públiko di diferente warda a hasi un entrada hudisial na un kas na Kaya Dodo Palm en konekshon ku violashon di e Lei di Arma i Droga.

Durante e investigashon den e kas a haña i konfiská:

  • Un T-shirt blanku bòrda ku e siguiente palabranan; ‘Awó ta basta plug 5’
  • Algun atributo ku ta keda usá pa prosesá droga.

No tabatin detenshon i e investigashon ta kontinuá.

###

Polis ta buska señora ku a entregá un tas.

WILLEMSTAD, Curacao — Den kuadro di e investigashon den kaso di asesinato di e hòmber Andrew M.J. Sniphout ku a tuma lugá dia 1 di yüni último den su kas na Montaña Abou, polis ke drenta den kontakto ku un señora ku riba e dia ei den oranan di mainta a entregá un tas konteniendo artíkulonan di e víktima na un unidat polisial pa despues bai for di e sitio sin ku polis a logra tuma su datonan. Sierto informashonnan ta di importansha pa polis i ta súplika e señora en kuestion pe tuma kontakto ku polis na e number di
telefon 917.

###

Entrada Hudisial & Detenshon

WILLEMSTAD, Curacao — Djaweps 11 di yüni 2015 e Tim di Mantenshon di Òrdu Públiko di Warda di Polis Rio Canario (THT) durante kòntròl general, a hasi un investigashon den un kas no habitá riba Winston Churchillweg. Alrededor di 01.45’or durante e kòntròl den e kas polis a haña i konfiská:

strea entrada hudisial 2-001 Plaka kèsh;
1 skòpèt di airu;
1 rifel;
21 saku chikí di kokaina;
7 saku chikí di mariwana;
3 saku chikí ku simia di mariwana;
1 kuchú;
5 laiter;
1 bate di beisbòl;
40 tòpi di mariwana;
“Handflare”.

Polis KPC curacaoTambe a detené na e kas dos hòmber,: R.U.A.G nasé na Kòrsou di 22 aña di edat i C.C. nasé na Jamaica di 24 aña di edat i un dama K.J.V. nasé na Kòrsou di 22 aña di edat. Durante un kòntròl ku e Tim a tene den un kas na Dein, nan a haña i konfiská un saku di plèstik konteniendo mariwana. E kontròlnan aki ta kontinuá.

###

Photo by Strealuz