Bonaire:
Aksidente ku daño na propiedat
Djadumingu 30 di novèmber alrededor di 11.10 or di anochi, un aksidente a tuma lugá na un un kas Kaya Monseigneur Nieuwind. E impakto a kousa ku un di e vehíkulonan a slep bai riba e propiedat i kousa daño na un outo stashoná i e kurá di e kas.
Personal di ambulans a duna asistensia médiko na e shofùrnan na e sitio i no tabatin mester di transportá nan pa hòspital. Tur dos shofùr a hasi un tèst di supla ku resultado negativo.
Polis a duna un but na un di e shofùrnan, un hòmber di 16 aña, pa kore outo sin un reibeweis i seguro bálido.
Detenshon i entrada hudisial
Djadumingu 30 di novèmber, alrededor di 9.15 or di anochi, a detené un hòmber di 29 aña di edat di inisial G.G.G.M., pa envolvimentu den e introdushon di supstansianan probablemente narkótiko den un institushon.
Den kuadro di e investigashon a hasi un entrada hudisial na tres sitio. E promé entrada hudisial a tuma lugá na un kas situá na Maximiliana Rosario. Seguidamente, a buska den un apartamènt riba e mesun tereno, i finalmente na un kas riba Kaya Amsterdam. No a topa ku ningun artíkulo di importansia na ningun di e adrèsnan. E investigashon den e kaso aki ta andando.
Bringamentu
Den oranan di mardugá di djabièrnè 28 di novèmber, ‘meldkamer’ sentral a risibí un notifikashon di un bringamentu riba Kaya Korona na altura di un establesimentu di hóreka. Na yegada, a resultá ku no tabata trata di un bringamentu.
Dos hòmber a deklará ku nan tabata simplemente interkambiá palabra i ku no tabatin bringamentu. Miéntras ku tabata atendé e kaso, polis a enkontrá un kuchú riba suela tras di un muraya. A konfiská e kuchú aki.
Detenshon pa poseshon di arma di kandela i droga
Djaweps 27 di novèmber, alrededor di 1.45or di mardugá a detené 3 persona pa violashon di Lei di Arma di Kandela BES i violashon di Lei di Opio BES. Durante un kòntròl di tráfiko, polis a para un vehíkulo pa kòntròl. Riba sospecho di violashon di Lei di Opio BES, polis a bai ofer pa kòntròl di e vehíkulo.
Durante e kòntròl polis a topa ku un kantidat di supstansia probablemente narkótiko i munishon. Mesora polis a detené e tres okupantenan di e vehíkulo i a konfiská e vehíkulo pa investigashon mas aleu.
Ta trata di tres hòmber: di inisial J.C.J.W. di 24 aña, K.Y.S. di 24 aña i M.S.O.A. di 20 aña.
Durante e kòntròl mas aleu di e vehíkulo, polis a bin topa ku un arma di kandela. A konfiská esaki tambe. Investigashon den e kaso ta kontinuá.
A meldu diferente ladronisia di ‘fatbike’ riba djaweps 27 di novèmber
Riba djaweps 27 di novèmber 2025, polis a risibí tres keho di ladronisia di ‘fatbike’ na vários sitio na Boneiru.
E promé keho a drenta for di Julio A. Abraham Boulevard. E víktima a deklará ku deskonosínan a bai ku su ‘fatbike’ OUXI V-8 (72) koló pretu. Mas lat riba e mesun dia, a entregá un di dos keho di ladronisia di un ‘fatbike’ na Kaya Niagara. E di tres keho tambe tabata trata ladronisia di un ‘fatbike’ riba Julio A. Abraham Boulevard, banda di un establesimentu di hóreka. Ta trata di un ‘fatbike’ V8 ku un ‘frame’ pretu. Polis ta investigando e kasonan.
Ladronisia di boto na haf na Julio A. Abraham Boulevard
Djaweps, 27 di novèmber 2025, polis a risibí keho di ladronisia di un boto. Entre djasabra 21 di novèmber i djárason 26 di novèmber 2025, deskonosínan a bai ku un boto for di e marina na Julio A. Abraham Boulevard, kaminda esaki tabata mará. E kaso ta bou di investigashon.
Ladronisia di un kranchi i ’koppeling’ for di un baño di parke
Djaluna, 25 di novèmber 2025, polis a risibí keho di ladronisia for di un parke riba Kaya Grandi. A bai ku un kranchi i un ’koppeling’ for di e baño. Deskonosínan mester a bai ku e piesanan entre 8.00 di mainta riba djadumingu, 23 di novèmber, i 8.00 or di mainta riba djaluna, 24 di novèmber 2025. Ta investigando e kaso.
Ladronisia for di un outo riba Bulevar EEG
Djasabra, 22 di novèmber 2025, polis a risibí keho di ladronisia for di un outo stashoná na un bich riba Bulevar EEG. E víktima a deklará ku el a laga su telefòn Samsung blou skur (modelo A15) den un estuche di kueru koló maron den e dèshbòrt di su outo. E estuche tabata kontené vários dokumento i karchinan personal. Alrededor di 12.30 or di atardi, ora el a regresá for di den awa, el a nota ku e yabi di outo ku el a skonde bou di un baranka a disparsé. Hasiendo uso di un yabi di reserva, el a habri e outo i a deskubrí ku a bai ku su telefòn i e kontenido di su estuche Ta investigando e kaso
Vários detenshon pa manehá bou di influensia di alkohòl entre 21 i 26 di novèmber
Polis a detené vários shofùr pa kore bou di influensia di alkohòl entre 21 i 26 di novèmber 2025. Aki un resúmen di e detenshonnan:
Djárason, 26 di novèmber 2025, alrededor di 3.20 or di mardugá, agentenan riba patruya riba Kaya General C.M. Piar a tuma nota di un outo biniendo for di direkshon prohibí. Durante e kontròl a resultá ku un dama di 18 aña di edat, di inisial A.S., probablemente tabata bou di influensia di alkohòl. Un tèst di supla a konfirmá esaki. E dama a keda detené i a hib’e warda di polis pa un análisis di rosea. A konfiská su reibeweis a base di e resultadonan.
Djamars 25 di novèmber alrededor di 2.20 or di mardugá., un patruya riba Kaya Korona a opservá un outo ta kore zeilu. Despues di un señal pa stòp, e shofùr tabata mustra señal di konsumo di alkohòl. E tèst di supla a konkluí ku e dama di 20 aña di edat, di inisial M.S.T.M. tabata bou di influensia di alkohòl. A detené e dama i hib’é warda pa un análisis di rosea. El a risibí un prohibishon pa manehá un but pa motibu ku e no por a mustra un reibeweis bálido ni dokumentonan di seguro.
Djaluna, 24 di novèmber 2025, alrededor di 2.21 or di mardugá, agentenan a tuma nota di un vehíkulo sin lus di patras riba Kaya Caribe. Durante e kòntròl, e shofùr tabata mustra señal di konsumo di alkohòl. E tèst di supla tabata positivo. E hòmber di 59 aña di edat di inisial R.M.V., a keda detené i a hib’e warda di polis pa un análisis di rosea.
Djadumingu, 23 di novèmber 2025, alrededor di 3:15 or di mardugá, agentenan a tuma nota di un outo ku tabata kore sin lus. Durante kòntròl a resultá ku e shofùr tabata duna indikashon ku el a konsumí alkohòl. E tèst di supla tabata positivo. E hòmber di 23 aña di edat di inisial J.H.A.L., a keda detené pa manehá bou influensia.
Djabièrnè, 21 di novèmber 2025, alrededor di 2.30 or di mardugá a detené un shofùr durante un kontròl ku tabata duna indikashon di ta bou di influensia di alkohòl. E tèst di supla tabata positivo. E hòmber di 39 aña di edat di inisial S.J.C., a keda detené I a hib’e warda di polis pa un analisá di rosea. A konfiská su reibeweis a base di e resultadonan.
Djabièrnè, 21 di novèmber 2025, alrededor di 2:15 or di mardugá un patruya riba Kaya Nikiboko Sùit a tuma nota di un un vehíkulo ku tabata zeilu. A duna e shofùr un señal pa para pa un kòntròl i a konstatá ku e tabata bou di influensia di alkohòl. E tèst di supla tabata positivo. A detené e hòmber di 30 aña di edat inisial A.J.C.C. i a konfiská su reibeweis.
