Dos detenshon durante di fiesta klandestino

3741
KUERPO POLISIAL KÒRSOU

 

WILLEMSTAD, Curacao (KPC) — Djadumingu 13 di febrüari 2022 alrededor di 00.03, Sentral di Polis a dirigí un unidat na un adrès na Kaya Seru Mahuma, na unda tabatin un fiesta tumando lugá. Di informashon ku polis ta disponé di dje, no ta promé bia ku fiesta ta wòrdu organisá na e adrès aki durante di ora di toke de keda.

Na yegada di e promé unidat, el a tuma nota ku bèrdat tabatin un fiesta na kua tabatin sigur riba 100 persona presente. Debi ku tabata imposibel pa e repartí but dor di e unidat aki so na e bishitantenan, el a pidi refuerso pa por kumpli ku e tarea aki i alabes hasi detenshon di e organisadó.

A pidi tambe un fiskal ouksiliar pa yega na e sitio pa si mester drenta den bibienda, ya ku ta trata aki di un kompleho di apartamentu.

Na e sitio a detené e hòmber sospechoso N.D.C. di 36 aña di edat nase na Kòrsou en
konekshon ku violashon di reglanan konforme e preskripshon di e Lei di Estado di
Emergensia ku ta trata e pandemia di Covid-19.

Mientras ku e unidatnan presente tabata repartí but na loke a sobra di bishitantenan, ya ku
entre tantu diferente a move for di e sítio, un agente a bai atendé un shofùr ku tambe
tabata na e adrès ei, riba e echo ku su vehíkulo tabatin glas skur.

Durante di esaki, a surgi un interkambio di palabra entre e polis i e shofùr i e agente a duna di konosé na e shofur ku e ta detené. Seguidamente a surgi un forsageo entre e polis i e shofùr, debí ku e shofùr tabata stroba e polis den ehekushon hustifiká di su trabou.

Durante di e forsageo aki e polis a keda lastimá i mester a risibi tratamentu médiko.
En bista di e situashon tenso ku tabata eksistí na e momentunan ei na e sitio, e fiskal
ouksiliar a opta pa laga e shofùr aki mèldu na warda, na unda lo a kontinuá ku e proseso di
detenshon.

Michelangelo Martinez, Miembro di Parlamento

Na warda di reshèrshi, a presentá e shofùr aki, e hòmber sospechoso M.G.M. di 48 aña di edat nase na Kòrsou, ku anteriormente a keda detené pa no sigui instrukshon duná dor di outoridat, opstruí un empleado públiko den ehekushon hustifiká di su trabou, resistí aresto i violashon di reglanan den kuadro di Covid-19, dilanti di un fiskal ouksiliar.

Despues di interogashon ámbos sospechoso a keda lagá den libertat, mientras e investigashon ta kontinuá