Habitantenan di FUIK ta kue atrakadó ku sla kita pistol for di dje

1601

By Vigilante Newspaper

fuikFUIK, Curacao – Algun habitante di Fuik, ku basta kurashi i rabia ku e situashon alarmante di atrako, a kore tras di un tipo ku tabatin un arma di kandela den su man.

E tipo aki a kaba di atraká i kita pertinensia di un dama Haitiano para na e parada di bus nèt dilanti di e negoshi Rodricon, riba Weg naar Fuik.

A logra di changa e tipo pa despues a dun’é un halá di sota i a kita e arma di kandela for di dje.

Tambe a haña e pertinenshanan ku el a kaba di kita for di su víktima. A keda tene e atrakadó na suela i a yama polis ku a presentá mesora i a detené e sospechoso i konfiská tantu e arma di kandela komo e otro artíkulonan ku e tabatin den su poder.

E atrako a tuma lugá djasabra mainta trempan. E tipo aki mester a dale dama ku e kabu di e arma na su kabes pa despues a ranka e dama si kadena i a kore bai kuné.

Foto: Polisnan ku a yega mesora a pone bui na e sospechoso su man.