**VIDEO**: KOMUNIKADO DI KUERPO POLISIAL KÒRSOU: Lots a kima den Freezone

729

Lots a kima den Freezone

FREEZONE, Curacao — Djaluna 1 di sèptèmber 2015, alrededor di 19.20’or Sentral di Polis a risibí informashon ku tin un kandela grandi den Freezone.

Vários unidat polisial a bai na e sitio i na nan yegada a bin konstatá ku tabatin un lots grandi, den kual tin vários pakus, kompletamente na kandela.

Brantwer a trata di paga e kandela pero no por a evitá ku e lots a kima por kompletu.

Reshèrshi Táktiko i Tim forénsiko ta investigando kousa di e kandela.

UPDATE :Bosero di Polis Sr Zwerwer a konfirma ku awe alrededor di 7:20pm, Sentral di Polis a risibi notifikashon ku tin un pakus na kandela na Freezone. Rapidamente a dirigi polisnan i tambe unidat di Brandweer di Rio Canario i tambe Steenrijk na e sitio. Pero e kandela a ekspande hopi rapido den e loods kompletu, i varios pakus / almasen manera Picasso, Rama I tambe Dovester a kima a kousa di e kandela aki. Te ku aworaki ahinda bomberonan ta pagando e kandela. A habri Kaminda Don Martina si bek pa trafiko. E kousa di e kandela ta den investigashon. (Imagen Kortesia di Drone – Titan Security )

Posted by Strealuz News on Tuesday, September 1, 2015

Posted by Strealuz News on Tuesday, September 1, 2015

 

UPDATE :Esaki ta imagen di awe 2 di September, un dia despues ku e kandela a destrui e lots kompletu. Ahinda tin unidat di Brandweer Korsou na e sitio. Ahinda no a logra determina unda e kandela su inisio tabata ni tampoko e motibu di e kandela. LIKE NOS FACEBOOK PAGE & SHARE ESAKI..( Imagen Kortesia Titan Security Professionals )

Posted by Strealuz News on Wednesday, September 2, 2015