Kurpa sin bida hañá na Landfill Malpais.

3784

strealuz 1 morto malpais-001WILLEMSTAD, Curacao — Djasabra 18 di yüli 2015 alrededor di 9’or di mainta a drenta un informashon na Sentral di Polis ku na Landfill Malpais un homber a diskubrí un kurpa sin bida di un persona.

E unidat polisial ku a bai na e sitio a konstatá ku en bèrdat ta trata aki di un hende hòmber ku no ta duna señal di bida i ku e kurpa no ta den un estado hopi avansá di deskomposishon.

Dòkter di polis alrededor di 10.15’or a konstatá morto di e víktima i riba instrukshon di fiskal di Ministerio Públiko a konfiská e kurpa sin bida pa mas investigashon.

Identidat di e víktima no ta konosí ainda pa polis. E investigashon ta kontinuá.

Foto pa Strealuz