KOMUNIKADO DI KUERPO POLISIAL KÒRSOU 28 yüni 2015

2690

Morto den tráfiko

seru lora weg deadWILLEMSTAD, Curacao — Djadumingu 28 di yüni alrededor di 3’or di atardi Sentral di Polis a risibí notifikashon di un aksidente di tráfiko ku a tuma lugá riba Ser’i Loraweg.

For di un investigashon preliminar a sali na kla ku un outo di famia ku tabata kore riba e kaya menshoná den direkshon di Sta Rosa, tabata kore ku un velosidat hopi haltu i den un bògt e shofùr a pèrdè kòntròl riba su vehíkulo i bai resultá riba man kontrali.

Nèt na e momentu ei un otro vehíkulo tabata aserká for di e otro direkshon, ku konsekuensha ku e dos outonan aki a dal. E dama ku tabata sintá patras den e vehíkulo ku a okashoná e aksidente, a sufri herida serio na kabes i garganta.

Dòkter di polis ku a presentá na e sitio, a konstatá morto di e dama aki, ku yama Rosany Arias Medina, nasé na Republika Dominicana dia 31 di mart 1979.

Ambulans a transportá shofùr di ambos vehíkulo i un otro okupante pa poli pa tratamentu médiko.

Ta trata di e di 9 morto den tráfiko. Investigashon den e kaso aki ta kontinuá.

seru lora weg 2-001

seru lora weg 3-001

Foto pa Strealuz – Notisia 360 i Loesje (Front foto)

###

Detenshon pa maltrato

WILLEMSTAD, Curacao — Djadumingu 28 di yüni alrededor di 16.00’or di atardi Sentral di Polis a risibí notifikashon di un problema ku tabatin na un snèk den Sta Maria.

Na yegada di e unidat, a konstatá un agente polisial na sivil ku un heridá okashoná pa un bòter na su kabes. For di investigashon a sali na kla ku debí na un problema bieu, a surgi un diskushon entre e agente i dos hòmber.

Na dado momentu un di e hòmbernan a kue un bòter i manda esaki riba e polis, ku a alkansá esaki na su kabes i herid’é.

A transportá e víktima pa poli unda el a risibí tratamentu médiko. Alrededor di 16.10’or a detené e hòmber J.M.B. nasé na Kòrsou di 48 aña di edat en konekshon ku maltrato ku arma.

A present’é dilanti di un fiskal ouksiliar, ku a ordená su enkarselamentu pa mas investigashon.