Inselair ta kontribuí den biahe pa Sürnam

2852
Riba e potrèt por apresiá na momentu ku algun miembro di direktiva di S.I.P.S. ta risibí di un forma simbóliko, e tíketnan for di man di Chief Commercial Officer di Inselair, sr. Lippinkhof.

WILLEMSTAD, Curacao — Manera ya a bira konosí, kada aña di nobo, un bia pa aña, Kuerponan Polisial di e diferente paisnan den Reino Hulandes i Sürnam, ta bini huntu durante di un siman, pa asina ei interkambiá ku otro riba tereno di deporte i kultura. E aña aki ta toka turno atrobe pa e selebrashon aki tuma lugá na e pais Sürnam.

Kuerpo Polisial di Sürnam ta selebrá e aña aki su di 120 aniversario di eksistensha dia promé yüli. Durante e periodo di 26 di yüni pa 3 di yüli e interkambionan ta tuma lugá. E organisashon polisial di Kòrsou ta asistí na e selebrashon aki, danki na tíketnan na un preis sumamente faborabel ku e kompania lokal di aviashon Inselair a pone na disposishon.

Tambe Inselair a hasi posibel pa transportá e instrumèntnan di “drumband” di polis kompletamente grátis. S.I.P.S. ta sumamente gradesido na señornan Edward Heerenveen i Jurgen Lippinkhof pa nan generosidat den esaki.

Riba e potrèt por apresiá na momentu ku algun miembro di direktiva di S.I.P.S. ta risibí di un forma simbóliko, e tíketnan for di man di Chief Commercial Officer di Inselair, sr. Lippinkhof.
Riba e potrèt por apresiá na momentu ku algun miembro di direktiva di S.I.P.S. ta risibí di un forma simbóliko, e tíketnan for di man di Chief Commercial Officer di Inselair, sr. Lippinkhof.