Kaso nan den korte na Korsou

1242

Grupo tabata usa dekreto ministerial falsifiká pa glas skur

Willemstad – E kaso kontra 6 shofùr di outo, ku tabata den posishon di dekreto ministerial (ministeriële beschikking) falsifiká, a keda wantá te dia 25 sèptèmber 2015 pa 9 or di mainta. Abogadonan di e akusadonan a pidi pa rapòrt di Reclassering di nan kliente i tantu fiskal komo wes a honra e petishonnan. Segun Wes e rapòrt di Reclassering ta importante pa evaluá e sospechosonan mihó. Ta trata di e kaso di Ministerio Públiko (OM) kontra M.N.I.M.(1988), L.N.M.P. (1985), A.F.M. (1984), A.J.G.d.E. (1995), J.A.S. (1987) i C.L. (1986). Tur 6 akusado, 2 hende muhé i 4 hende hòmber, tabata presente den Korte. E sospechosonan tabata den posishon di dekreto ministerial falsifiká pa di e forma ei por a kore ilegal ku glas skur. Polis a ripara e dokumentonan falsifiká durante kòntròl di tráfiko.

###

Wes: Schotte na adrès robes ku su demanda

Willemstad – Wes Beukenhorst ta deklará Gerrit Schotte no atmisibel den su demanda kontra di presidente di Staten i tambe gobièrnu di Kòrsou. Schotte tabata den e proseso robes, ya ku tin di mantené e separashon entre e podernan. Ademas Presidente parlamentu no ta partido den e proseso aki. Schotte a entamá un huisio sumario kontra presidente parlamentu debí ku esaki a sake for di un reunion di 17 aprel despues di un disputa riba reglanan di parlamentu. Djaweps e reunion di dia 17 aprel último ku a keda suspendé ta kontinuá i Schotte no por ta presente. P’esei el a entamá e kaso pa haña un klaridat riba su presensia despues den parlamentu, pero wes a bisa ku Schotte ta na e adrès robes ku su demanda.

###

‘Inside job’ ta terminá den kastigu di 16 luna pa dos akusado

Willemstad – Un ‘inside job’ ku Gerower Marts Cruz i Leonard Emerenciana a organisá riba kolektado di plaka di Joe Black Lottery a resultá den kastigu di prison pa tur dos. Dia 14 desèmber 2014 e supuesto atrako a tuma lugá riba tereno di stashon outo di Mangusa Hypermarket. Gerower ta traha pa Joe Black kore tuma saku di plaka di benta di number ora kantornan sera. El a plania e atrako ku Leonard. Tabata ora e shofùr a baha for di outo pa bai tuma saku di plaka lagando Gerower so atras den outo, Leonard ta yega kue e sakunan di plaka. Leonard ta habri porta di outo, kai sinta banda di Gerower i kue sakunan di plaka duna Leonard ku despues ta sali na kareda, subi su outo ku tabata para den serkania.

Fiskal van Waveren a konsiderá ku ta trata di akto di ladronisia i a pidi 36 luna di kual 6 luna kondishonal pa Gerower komo esun ku a organisá e atrako i tambe a duna denunsia falsu di atrako i pa Leonard 24 luna di kual 6 luna kondishonal. Apesar ku Gerower ta nenga ku el a plania e atrako, Wes van Dam van Isselt ta konvensí ku ta trata di un ‘inside job’. El a kondená kada un dje akusadonan na 24 luna di kual 8 luna kondishonal ku periodo prueba di 3 aña.

###

Hòmber tabata violá damanan den chino na Veeris

Willemstad – We van Dam Van Isselt a posponé kaso di e hòmber D.Z. (35) akusá di un akto di violashon i otro kaso di intento di violashon kontra di dos dama separá. E echonan a tuma lugá 4 yanüari 2014 i 30 yanüari 2015. Remarkabel ta e sitio unda nan a tuma lugá, esta na e resort na Veeris konosí den boka di Pueblo Chino na Veeris.

E kaso a keda posponé pasombra e akusado ke tende dos testigu, unu sera na Ulanda i e otro testigu ta su frei.e kaso a keda posponé pa yüli próksimo.

Fuente Hustisia