Djadumingu 26 di aprel alrededor 22.30’or, Sentral di polis a risibí notifikashon
di un aksidente di tráfiko ku a tuma lugá na e krusada Weg naar Welgelegen/Roosendaalweg.
For di investigashon a sali na kla ku shofùr di un outo ku tabata kore riba Weg naar Welgelegen den direkshon di v. Eyck van Voorthuizenweg, a bai lora na man robes drenta Roosendaalweg, sin duna preferensha na un scooter ku tabata kore riba Weg naar Welgelegen den direkshon di Marchena.
Konsekuentemente e scooter a bin dal violentamente den banda di e outo.
Shofùr di e scooter, e hòmber Harrison Janga nasé na Kòrsou dia 21 di mei 1991,
a sufri leshon serio na su garganta i a fayesé na e sitio mes.
Dòkter di polis a konstatá morto i riba òrdu di fiskal di Ministerio Públiko a konfiská
e kurpa sin bida. Shofùr di e vehíkulo ku a kousa e aksidente a keda detené pendiente di mas investigashon.
