Detenshon
Djarason 8 di aprel 2015, alrededor di 10.10or di mainta, personal di e unidat ku ta atendé asuntunan di mucha i moral (J.Z.Z.) a hasi detenshon di e hòmber S.L. di 39 aña di edat nasé na Kòrsou. L. ta wòrdu sospecha di a kometé aktonan inmoral ku un menor di edat. El a keda presentá dilanti di un fiskal ouksiliar, ku a ordená su enkarselamentu pa mas investigashon.
####
Entrenamentu na hóbennan.
Manera ya a keda anunsiá, Kuerpo Polisial Kòrsou a duna su aporte na e programa di prevenshon pa kombatí kriminalidat bou di hubentut, organisá pa sr. Norwin Martina. Riba e potrètnan ku ta bai athunto, por mira e hóbennan durante di e entrenamentu ku sr. Albert Schoop di Kuerpo Polisial Kòrsou.
