Asesinato na Tera Kora, Kaya Boksit: KOMUNIKADO DI KUERPO POLISIAL KÒRSOU, 11 aprel 2015

1227

WILLEMSTAD, Curacao — Djadumingu 12 di aprel alrededor di mitar di 6’or di atardi, Sentral di Polis a dirigí unidat di Wijkbureau Barber pa un kaso di tiramentu. Na yegada di e unidat, nan a topa un hòmber ku herida di bala na su kabes.

Ku urgensha a transportá e víktima pa poliklínika. Algu despues di su yegada na poli, e hòmber Etienne Manzana, nase na Kòrsou dia 15 di desèmber 1975, a bin fayesé.

For di investigashon preliminar a sali na kla ku e víktima tabatin un problema bieu ku un otro persona, ku a bin terminá den e tiroteo aki.

Na e sitio, polis a konfiská un kantidat di kashi di bala ku a topa. Investigashon den e kaso aki ta kontinuá.

PHOTO/StreaLuz