Detenshon pa menasa i intento di maltrato.

1153
KUERPO POLISIAL KÒRSOU
Police Curacao logo
KUERPO POLISIAL KÒRSOU

WILLEMSTAD, Curacao – Djarason 25 di mart 2015, alrededor di 21.45’or na un trùk di pan riba Gosieweg un polis na sivil a hañ’é den diskushon ku e hòmber, S.M.C., nasé na Kòrsou, di 42 aña di edat.

E hòmber na dado momentu a menasá e agente polisial i manda un baranka di piedra riba dje. E agente di polis a lòs un tiru di atvertensia, pero e hòmber a kore bai.

Algun patruya polisial ku miéntras tantu a presentá na e sitio a logra di detené e sospechoso C. A present’é dilanti di un fiskal ouksiliar ku a ordená su enkarselamentu pa mas investigashon