Detenshon pa buracheria públiko i pa no sigui òrdu di polis
Djadumingu 23 di ougùstùs, alrededor di 6.45 or di anochi, a detené un hòmber di inisial M.A.T.R. di 48 aña di edat na Kaya Antonia. E sospechoso a kore pasa ku su vehíkulo riba un kaya mientras esaki tabata será pa motibu di un aksidente. Na momentu ku polis a par’é, e no por a mustra un reibeweis i ademas e tabata mustra diferente karakterístika di un persona ku ta bou di influensia di alkohòl. E sospechoso no tabata ke koperá pa hasi un tèst di supla, e tabata mustra komportashon agresivo, tantu ferbal komo físiko i e no tabata ke sigui òrdu di polis pa baha for di su vehíkulo. Ademas e sospechoso a resistí fuertemente di kua agentenan a haña nan obligá pa hasi uso di forsa pa detené. Debí na komportashon agresivo di e sospechoso na warda di polis, a hib’é JICN. E lo haña but pa manehá sin reibeweis i un prosèsferbal pa loke a sosodé.
Detenshonnan pa manehá bou di influensia di alkohòl
Durante e fin di siman ku a pasa, polis a detené shete(7) shofùr pa manehá bou di influensia di alkohòl.
Djadumingu 23 di ougùstùs, alrededor di 7 or di anochi, a detené un hòmber di inisial A.D.S.S. di 34 aña di edat na Kaya Juanita. E sospechoso a dal ku su outo den un kurá di kas. Durante kòntròl, e no por a mustra un reibeweis i tampoko dokumentunan di seguro. Konforme e maneho di ‘botsen is blazen’, a hasi un tèst di supla kuné. Aki tabatin indikashon ku e sospechoso a konsumí mas alkohòl ku ta pèrmití pa lei. A hib’é warda di polis pa un análisis di rosea. Ademas a konstatá ku vehíkulo di e sospechoso tabatin dos plachi di number diferente. A konfiská e plachinan di number.
Djadumingu 23 di ougùstùs, alrededor di 6.30 or di anochi, a detené un hòmber di inisial R.G.E. di 50 aña di edat riba Kaya Korona. E sospechoso tabata enbolbí den un aksidente di kua un crosser a dal den dos outo i a sigui kore. Konforme e maneho di ‘botsen is blazen’, a hasi un tèst di supla ku e shofùrnan na e sitio. Aki tabatin indikashon ku e sospechoso a konsumí mas alkohòl ku ta pèrmití pa lei. A hib’é warda di polis pa un análisis di rosea i a konfiská su reibeweis.
Djadumingu 23 di ougùstùs, alrededor di 5.30 or di mainta, a detené un hòmber di inisial D.W.R. di 32 aña di edat na Kaya Grandi. Un patruya a para e sospechoso pa un kòntròl rutinario. Durante kòntròl, e shofùr tabata mustra karakterístikanan di un persona ku ta bou di influensia di alkohòl i a hasi un tèst di supla kuné. A resultá ku tabatin indikashon ku e sospechoso a konsumí mas alkohòl ku ta pèrmití pa lei. Na warda di polis a hasi un análisis di rosea kuné i el a haña prohibishon di manehá pa 2 ora.
Djadumingu 23 di ougùstùs, alrededor di 3.20 or di mardugá, a detené un hòmber di inisial R.H.C. di 35 aña di edat den Centrumgebied. Un patruya a para e sospechoso pa un kòntròl rutinario. Durante kòntròl, e sospechoso no por a mustra un reibeweis i tampoko dokumentunan di seguro. Ademas e tabata mustra karakterístikanan di un persona ku ta bou di influensia di alkohòl i a hasi un tèst di supla kuné. A resultá ku tabatin indikashon ku e sospechoso a konsumí mas alkohòl ku ta pèrmití pa lei i a bai warda di polis kuné pa hasi un análisis di rosea. Despues di investigashon mas aleu a resultá ku esaki ta e di tres biaha ku ta detené e sospechoso pa manehá bou di influensia di alkohòl. A konfiská e outo i e sospechoso lo haña un prosèsferbal.
Djadumingu 23 di ougùstùs, alrededor di 1.25 or di mardugá, a detené un hòmber di inisial S.N.J.M. di 24 aña di edat riba Kaya Lodewijk D. Gerharts. Un patruya a para e sospechoso pa kòntròl despues ku a konstatá ku e tabata manehá un outo ku solamente un plachi di number. Durante kòntròl, e sospechoso no por a mustra un reibeweis i tampoko dokumentunan di seguro. Ademas e tabata mustra karakterístikanan di un persona ku ta bou di influensia di alkohòl i a hasi un tèst di supla kuné. A resultá ku tabatin indikashon ku e sospechoso a konsumí mas alkohòl ku ta pèrmití pa lei i a bai warda di polis kuné pa hasi un análisis di rosea. Despues di investigashon mas aleu a resultá ku na diferente okashon a duna e sospechoso but pa manehá sin reibeweis i sin seguro. E sospechoso lo haña un prosèsferbal pa e violashonnan menshoná.
Djasabra 22 di ougùstùs, alrededor di 6.50 or di anochi, a detené un hòmber di inisial J.R.R. di 48 aña di edat riba Kaya Nikiboko Sùit. Un patruya a para e sospechoso pa kòntròl despues ku a mir’é skuer i kore bai. Durante kòntròl, e sospechoso tabata mustra karakterístikanan di un persona ku ta bou di influensia di alkohòl i a hasi un tèst di supla kuné. A resultá ku tabatin indikashon ku e sospechoso a konsumí mas alkohòl ku ta pèrmití pa lei. A bai warda di polis kuné pa hasi un análisis di rosea i a konfiská su reibeweis.
Djasabra 22 di ougùstùs, alrededor di 3.35 or di mardugá, a detené un hòmber di inisial J.D.d.l.S.P. di 26 aña di edat riba Kaya Soeur Bartola. E sospechoso a dal den un outo i a sigui kore. Un patruya a bai su tras i a bloki’é. Konforme e maneho di ‘botsen is blazen’, a hasi un tèst di supla kuné i tabatin indikashon ku e sospechoso a konsumí mas alkohòl ku ta pèrmití pa lei. A hib’é warda di polis pa un análisis di rosea i a konfiská su reibeweis.
Ladronisia di bateria di ‘fatbike’
Djasabra 22 di ougùstùs a drenta keho tokante ladronisia di un bateria di ‘fatbike’. E fatbike tabata stashoná riba Kaya J.N.E Craane na momentu ku deskonosínan a bai ku e bateria. Ta investigando e kaso.
Entrada hudisial
En konekshon ku un investigashon andando relashoná ku violashon di Lei di Arma di Kandela BES, djabièrnè 21 di ougùstùs, alrededor di 10 or di anochi, e Grupo di Tarea Spesial(GBO) i rishèrshi a tene entrada hudisial na un kas na Kaya Monsigneur Nieuwindt. Durante e entrada hudisial no a konfiská artíkulonan relevante pa e kaso. Investigashon den e kaso ta kontinuá.
Persekushon
Djabièrnè 21 di ougùstùs, alrededor di 6.30 or di anochi, polis a duna shofùr di un outo señal pa para. E shofùr no a sigui òrdu di polis i a sigui kore ku velosidat haltu, loke a kondusí na un persekushon. Durante e persekushon, na dado momentu, e vehíkulo a drenta Kaya Kuarta. Aki a tira un opheto den kurá di un kas i sigui bai. A detené un mucha hòmber di inisial J.G.T. di 16 aña di edat na Kaya Ucayali pa no sigui òrdu di polis despues ku el a kore bai.
Algun ratu despues, polis a lokalisá e vehíkulo patras di un kas na Kaya Demerara i a konfiská esaki. No a topa ku e shofùr. En konekshon ku e investigashon, polis a tene entrada hudisial na un kas na Kaya Kuarta i na Kaya Demerara. Durante e entradanan, no a topa ku e opheto i no a konfiská artíkulonan relevante pa e kaso. Investigashon den e kaso ta kontinuá.
