CURACAO (KPS) — Djaluna 6 di yanüari 2025 alrededor di 16.30’or, Sentral di Polis a risibí informashon ku un atrako armá a tuma lugá na un Minimarket riba Mahumaweg.
Mesora a dirigí unidatnan na e sitio i polis a topa ku doño di e Minimarket ku a deklará ku un ratu promé (2) dos hòmber a sorprendé ku arma di kandela i eksigi’é tur plaka i pa despues bandoná e sitio.
Despues di un búskeda den e área polis a señalá e outo den kua e hòmbernan ku a tira e atrako tabata aden.
Einan a kuminsá un persigushon ku a kaba den Kaya Shilling.
Na e sitio a logra detené un di e atrakadónan.
Ta trata di e hòmber E.C.C.C. di 26 aña di edat nasé na Kòrsou.
Durante di e persisigushon a haña i konfiská hanskun ku a keda rekonosé durante di e atrako, pa mas investigashon
A presentá e sospechoso dilanti un fiskal ouksiliar ku a ordená nan enkarselamen tu pendiente di mas investigashon.
