Willemstad – Riba 20 di april artista Avantia Damberg lo tin su apertura di eksposishon sobre e tematiko di e Mortonan di April. Damberg lo toka e tema aki ku ta presis 80 aña pasá, ora stoker Chines a wordu matá na Suffisant 20 di april 1942.
A base di un kolekshon di vas di porcelana ku Damberg a traha na Friesland, Hulanda aña pasá, e ke hiba e pida historia aki dilanti. E ta dedika e eksposishon na defuntu Pacheco Domacassé ku a yudé hopi ku e tema.
E eksposishon lo dura 2 luna (20 di april te ku 15 di juni) na Museo di Kòrsou i e apertura ta kuminsa 7’or di anochi. E museo ta enkargá ku e invitadonan, pa informashon por mail info@hetcuracaosche.museum
E eksposishon aki a risibi sosten di Prins Bernhard Cultuurfonds Caribisch Gebied
