Detenshon di un sospechoso.
WILLEMSTAD, Curacao — Djasabra mardugá alrededor di 03.50’or, Sentral di Polis a dirigí un unidat pa un Bar den Buena Vista na unda lo tabatin un bringamentu formal. Na su yegada, e unidat polisial a bin topa ku un hòmber ku su pòls probablemente fraktura. Ambulans a presentá na e sitio i a transportá e víktima pa poli. Na e sitio a detené e sospechoso G.A.T. nase na Kòrsou di 49 aña di edat en konekshon ku maltrato i destrukshon. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
###
Detenshon di un trahadó
WILLEMSTAD, Curacao — Djasabra mardugá 16 di mei alrededor di 04.40’or, Sentral di Polis a dirigí un unidat di Otrabanda pa un Beach na Vaersenbaai, kaminda e personal di seguridat a gara un trahadó ku diferente bòter di bebida hòrtá. Na yegada, e unidat a bin topa e trahadó, e hòmber J.G.P. nase na Kòrsou di 32 aña di edat, ku diferente bòter di bebida den su outo. El a keda detené i presentá dilanti di un fiskal ouksiliar, ku a ordená su enkarselamentu pendiente di mas investigashon.
###
Entrada hudisial.
WILLEMSTAD, Curacao — Djabièrnè anochi dia 15 di mei, e Tim di mantenshon di òrdu general, a tene un entrada hudisial na un kas den Kaya Paul de Lima. Na e kas en kestion a bin enkontrá diferente paki di droga skondé den un radio. Ta trata aki di kokaina, mariwana i hash. Tambe a konfiská un kantidat di plaka kèsh. Pafó di e kas den un palu, polis a bin topa diferente paki di mariwana kla pa benta. A detené dos hòmber i un muhé, ku a keda enkarselá, despues ku a presentá nan dilanti di un fiskal ouksiliar. Investigashon den e kaso aki ta kontinuá.
