KOMUNIKADO DI KUERPO POLISIAL KÒRSOU 13 – 16 yüli 2015

0
1180

Entrada hudisial i tres detenshon

strealuz PARA 4-001
S.P.C., di 25 aña di edat

WILLEMSTAD, Curacao — Djaweps 16 di yüli 2015 alrededor di 1’or di mardugá Polis a tene un entrada hudisial na un kas den Tortolaweg, Buena Vista en konekshon ku ladronisia di algun para di balor ku deskonosínan mester a hòrta na un kas den Los Roquesweg na Buena Vista den oranan di mardugá di djaluna 13 di yüli pa djamars 14 yüli último.

Riba òrdu di fiskal di ministerio públiko i ku pèrmit di wes komisario a hasi un investigashon na e kas den Tortolaweg na unda polis a bin haña dos kouchi konteniendo 15 di e paranan prosedente di ladronisia for di e kas na Los Roquesweg.

C.J.C.C., di 18 aña di edat
C.J.C.C., di 18 aña di edat

A konfiská e kouchinan ku paranan i a detené na e sitio e dos ruman hòmbernan:

S.P.C., di 25 aña di edat;

C.J.C.C., di 18 aña di edat, tur dos nasé na Kòrsou.

strealuz PARA 2-001Seguidamente polis a bai na un otro kas den Tortolaweg en buska di un di tres (3) sospechoso pero no a en kontrá ku e hòmber aki.

Despues di un ratu e sospechoso, R.D.P., nasé na Kòrsou, di 19 aña di edat, a presentá na warda di polis Rio Canario na unda e tambe a keda detené komo sospechoso di ladronisia di para.

A presentá tur tres (3) sospechoso dilanti di un fiskal ouksiliar ku a ordená nan enkarselamentu pa mas investigashon.

###

Detenshon di dos hòmber den Sto. Domingoweg

WILLEMSTAD, Curacao — Djaweps 16 di yüli 2015, alrededor di 4’or di mardugá Polis a detené na un kas den Sto. Domingoweg e hòmber, R.A.W., nasé na Kòrsou, di 19 aña di edat komo sospechoso di ladronisia.

Den e kas polis a haña un kantidat di kahanan di entre otro kòpinan di glas ku ta prosedente di ladronisia. A konfiská tur e artíkulonan aki.

Durante di e detenshon un ruman hòmber di e sospechoso, S.M.W., di 20 aña di edat, a bira agresivo, menasá algun fotógrafo di prensa ku tabata na e sitio i resistí kontra di polisnan.

A deten’é i a bai warda ku tur dos ruman na unda a presentá nan dilanti di un fiskal ouksiliar ku a ordená nan enkarselamentu pa mas investigashon.

###

Detenshon na Tera Kòrá.

WILLEMSTAD, Curacao —  Djarason 15 di yüli 2015, alrededor di 21.00’or Polis a detené e hóben, R.L.Y., nasé na Kòrsou, di 14 aña di edat, komo sospechoso den e kaso di atrako/asesinato di e hòmber Frensio Pascual Sambre (90 aña) ku a tuma lugá dia 2 di aprel último den un kas na Rio Magdalena.

Riba e dia en kuestion polis a haña e víktima drumí riba kama den un kamber ku su man i pia mará, miéntras ku tabatin indikashon ku e víktima a keda choká pa su agresor(nan).

Detenshon di e sospechoso a tuma lugá na e vèlt di futbòl den Kaya Pieda Natural na Tera Kòrá.

A presentá e sospechoso dilanti di un fiskal ouksiliar ku a ordená su enkarselamentu pa mas investigashon.

###

Entrada hudisial ku detenshon.

strealuz colombianoWILLEMSTAD, Curacao — Kontinuando ku e investigashon relashoná ku un kaso di asesinato ku a tuma lugá 1 di yüni 2015 na Montaña Abou, polis a hasi un entrada hudisial den un kas na Montaña Abou.

Djarason 15 di yüli 2015, alrededor di 6’or di mainta, polis a detené e hòmber sospechoso L.F.M.d.l.H. nasé na Colombia di 34 aña di edat, relashoná ku e kaso di asesinato ariba menshoná.

Durante di investigashon den e kas polis a haña i konfiská artíkulonan ku ta di importansia pe investigashon.

A presentá e sospechoso dilanti un fiskal ouksiliar ku a ordená su enkarselamentu pa mas investigashon.

###

Kontròlnan general i preventivo.

WILLEMSTAD, Curacao — Djaluna 13 di yüli 2015, alrededor di 22.15’or, personal di Tim di mantenshon di òrdu Públiko, a realisá vários kontròl preventivo den diferente bario riba nos isla i na e.o. restorantnan.

Durante di e kontròlnan aki polis a kontrolá un total di 55 persona.

A konfiská:

  • Paki di hash;
  • Paki di mariwana;
  • Un sigaria di mariwana i dos ènvelòp ku ta kontené kokaina;

Detenshon: un hòmber pa violashon di e Lei di Opio; Dos hende muhé i un hende hòmber di nashonalidat Hamaikino ku no tabatin e dokumentunan nesesario pa por pèrmanesé riba nos isla.

E kontròlnan aki ta kontinuá.

###

Entrada hudisial ku detenshon.

WILLEMSTAD, Curacao — Djaluna 13 di yüli 2015, alrededor di 12.10’or, polis a detené un hòmber sospechoso relashoná ku un kaso di atrako.

Kontinuando ku e investigashon relashoná ku un atrako ku a tuma lugá 6 di mart 2015 na Zona Franca Hato polis a hasi un entrada hudisial na un kas na Kaya Altostratos.

Durante di investigashon den e kas polis a haña i konfiská un arma di kandela i 23 bala skerpi. E hòmber sospechoso U.R.I. nasé na Kòrsou di 33 aña di edat a keda detené relashoná ku e atrako ariba menshoná.

A presentá e sospechoso dilanti un fiskal ouksiliar ku a ordená su enkarselamentu pa mas investigashon.

###

Foto STREALUZ