E promé selekshon di Blue Wave Academy ku lo representá nos riba nivel internashonal ta e selekshon kategoria U-11 ku a sali pa Hulanda ayera ‘tardi pa partisipá na Orange Veins Cup ku lo tuma luga dianan 30 ku 31 di mei 2026. Tambe nan lo hunga 2 partido amistoso ku ekiponan di Hulanda.
Meta di e biahe aki ta pa midi forsa ku e hungadónan di Hulanda ku ta forma parti di e organisashon di futbòl pagá i mas ku klaro pa ‘show case’ nos talentonan lokal na skoutnan hulandes ku por reklutá e hóbenan aki den futuro. Esaki tambe lo ta un eksperiensia úniko pa nos hungadónan lokal ku tin e oportunidat di kompetí ku hungadónan di nan edat ku ta militá den timnan renombrá di Hulanda.
Blue Wave Academy U-11 lo ta na Hulanda di 27 mei pa 2 yüni i lo tin un total di 8 partido kontra diferente ekipo di Hulanda.
Skema di nos partidonan:
| Fecha | Orario | Tim di kas | Bishitante | ||
| 1 | 28-5-2026 | 16:30 | Willem II | BWA U-11 | Partido Amistoso |
| 2 | 30-5-2026 | 10:40 AM | Liverpool FC | BWA U-11 | Orange Veins Cup |
| 3 | 30-5-2026 | 2:20 PM | Ilves Tampere | BWA U-11 | Orange Veins Cup |
| 4 | 30-5-2026 | 3:40 PM | BWA U-11 | NEC Nijmegen | Orange Veins Cup |
| 5 | 30-5-2026 | 5:00 PM | BWA U-11 | Eastside FC | Orange Veins Cup |
| 6 | 31-5-2026 | TBA | TBA | TBA | Orange Veins Cup |
| 7 | 31-5-2026 | 4:00PM | TBA | TBA | Orange Veins Cup |
| 8 | 1-6-2026 | 5:00 PM | Feyenoord | BWA U-11 | Partido Amistoso |
*Orario di Hulanda
Un total di 16 hungadó lokal ta forma parti di nos selekshon di Blue Wave Academy kategoria
U-11. Nos selekshon ta wòrdu dirigí pa Shemuel Janzen i Ericson Bregita. E masagista i ‘team manager’ di e selekshon ta Marina de Miranda i e hefe di delegashon ta Rudsel Schmidt, miembro di direktiva di FFK.
E siguiente hungadónan ta forma parti di BWA U-11;
- D’Vano Zimmerman
- Ethan Kierindongo
- Levi Conradus
- Stefano Klok
- Caleb Groenendijk
- Rahim Martis Cato
- Tsean-Drick Martes
- Melia Naaldijk
- Romey Janzen
- Xion Isidora
- Fynn Domhoff
- Elijah Brigitha
- Vajen Bosscher
- Jionrickson Iradi
- Reajayvyn Zion Ricardo
- Mayson Girigorie
FFK ta deseá nos selekshon Blue Wave Academy U-11 tur klase di éksito ku nan partisipashon na e Orange Vens Cup na Hulanda.
