MinJus Navarro i MinFin Jardim a duna enkargo ofisial awe Afpakteam Kòrsou aktivo 1 ougùstùs 2015

0
928

Afpakteam 04 150515-001WILLEMSTAD, Curacao — Minister di Hustisia Nelson Navarro i Minister di Finansa José Jardim a duna inisio ofisial i fromal awe, djabièrnè 15 di mei 2015, pa lanta i inisiá e asina yamá “Integraal Afpakteam Kòrsou” (Integraal Afpakteam Curaçao). E ministernan a duna e enkargo pa medio di firmamentu di e “Plan di Atendimiento” pa e proyekto piloto.

“Afpakteam Kòrsou” (Afpakteam Curaçao) ta konsisti di funshonarionan di Korps Politie Curaçao (KPC), Belastingdienst Kòrsou, Team Inlichtingen en Opsporing Belastingdienst (TIO), Koninklijke Marechaussee (KMar), Duana Kòrsou i Ministerio Públiko (OM) Kòrsou i asesorá pa dos funshonario di Ulanda ku tin eksperensia den kita propiedat ilegal di hende. E team lo bai fungi bou di kordinashon di Ministerio Públiko.

Kriminalnan ta gana hopi plaka dor di komete hechosnan kastigabel. Un aspekto importante den e kombatimentu di kriminalidat ta kita e plaka i merkansia ku ta prosedente di hechosnan kriminal. Esei no semper tin ku tma lugá ku investigashonan largu of kasonan den Korte. U kreatividat i disidido por kita e plaka i merkansia tambe muchu mas lihe i efisiente. Esei ta bira e tarea di “Afpakteam Korsou”.

E team ta inisiá su trabounan dia 1 di ougùstùs 2015 i lo bai traha huntu durante e periodo di piloto di 1 aña durante kua lo bai selekshoná i ehekutá kasonan ku tin chèns grandi di éksito. Ta bai ehekutá esaki dor di kombiná e kmpetensia di e organisashonan partisipante, i di e forma aki por bira un arma efektiv kontra kriminalidat.

E merkansia ku keda kitá lo keda bendi. Tur fondo prosedente di benta ta bin na benefisio di pais Kòrsou. Ku loke keda generá ta bai kubri e gastunan di e “Afpakteam”. Kriminalnan pues mes ta bai paga e funshonarionan ku ta bai kita nan propiedat.